INBERTSIO BERRIA KIROLDEGIAN

Uda honetan, ikastetxeak inbertsio garrantzitsu berri bati ekin dio kiroldegiaren estalkia berritzeko. Jarduketa hori beharrezkoa zen, teilatuak zuen narriadura maila handia zela eta batez ere neguko hilabeteetan, sortzen zituen arazoengatik.

Euriteek ur iragazketa eta uholde ugari eragiten zituzten eta askotan, espazioa erabilezin bihurtu behar izaten zen. Horrek zuzenean eragiten zien bai ikastetxeko eskola orduei, bai instalazioetan egiten diren eskolaz kanpoko eta kirol-jarduerei.

Estalki berria jartzeak premiazko behar horri erantzuten dio, eta kiroldegiaren baldintzak nabarmen hobetzea ekarriko du. Barruko tenperatura egokiagoa izaten laguntzeaz gain, azpiegitura berriak espazio seguruago, erosoago eta eguraldi txarraren aurrean babestuagoa izatea ahalbidetuko du.

Berritze honek beraz, hobekuntza handia dakar hezkuntza komunitate osoarentzat, eskolak, kirol jarduerak eta eskolaz kanpoko ekintzak normaltasunez garatu ahal izango baitira, eguraldi-baldintzek ikastetxeko eguneroko bizitzan ezinbestekoa den espazio honen erabileran berriro eragin ez dezaten.

Inbertsio berri honen bidez, ikastetxeak bere instalazioak hobetzeko eta modernizatzeko apustuarekin jarraitzen du, ikasleentzat eta instalazioak erabiltzen dituzten pertsona guztientzat espazio seguruagoak, funtzionalagoak eta egokiagoak sortuz.