.

Ekainaren 12an, ostiralean, Bilboko Itsasadarra Itsas Museora joan dira bisitan Lehen Hezkuntzako 1. eta 2. mailetako umeak.

Bilboko Itsasadarra Itsas Museoa Euskalduna ontziolak zeuden lekuan dago kokatuta, Bilboko itsasadarraren ezkerraldean.

.

—Ikusi argazki guztiak Flickr-en.

.

.

Ekainaren 11n, ostegunean, Azpeitiko Burdinbidearen Euskal Museora joan dira bisitan Lehen Hezkuntzako 5. mailako neskatila-mutikoak.

Europako tren-bildumarik onenetakoa du Azpeitiko Burdinbidearen Euskal Museoak, mota askotako ibilgailuak biltzen baititu: lurrunezko tren-makinak, diesel motordunak nahiz elektrikoak; tren automotorrak, eta askotariko bagoiak.

Azpeitiko geltoki zaharreko eraikin nagusiaren lehenengo solairuan, XIX. mendearen amaieratik AVEren sorrera arte tren-langileek erabili izan dituzten uniformeen erakusketa aparta dute ikusgai. Bigarren solairuan, tren-geltokietako ordularien erakusketa aurkitu zuten, munduko onenetakoa, eta denboran zeharreko bidaia batean murgilarazi zituen.

.

—Ikusi argazki guztiak Flickr-en.

.

.

Lehen Hezkuntzako ikasleak Errepideko Heziketako pistara joaten dira, gai honen gainean jarduera batzuk egitera. Bienve-k gogoratzen digu.

.

.
.

.

Gaur asteazkena, maiatzak 27, Lehen Hezkuntzako 5. mailako ikasleak Ansio-n kokatutako Errepideko Heziketako pistara joango dira, gai honen gainean jarduera batzuk egitera.

Programararen helburua trafikoko istripuak aurrez ikustea da, baina optika praktikotik. Arduradunen arabera, parte-hartzaileek «arriskua nabaritzen dute» pistan. Honela, geroaldiko gidari arduratsua eratzea lortzen da. Ikasleek «arauak eta bide-seinaleak ezagutzen, identifikatzen eta bizikidetasunaren erregulatzaile eta segurtasun-elementu bezalakoak errespetatzen» ikasten dute.
.

.

 «Tramankuluak eskolan»haur antzezlanaren euskarazko emanaldia Jose Ramon Soroiz antzezlearen eskutik, maiatzak 7.

Hondartzan neskatila batek aurkitutako kutxatila erdoildu baten barruan, liburu bitxi bat. Liburuak, paperezko bolatxoak ditu barruan eta neskatilak jolasa proposatzen dio topatzen duenari: «bolatxo bakoitzaren barruan dagoen istorioa asmatzea». Gauza txikien misterioak erakusten dituen eta istorio zoragarriak asmatzeko pasioa sustatzen duen antzerki-lana.

.

 Maiatzaren 6an, asteazkenean, Bilboko Arte Ederretako Museo-ra joango dira bisitan Lehen Hezkuntzako 1. mailako umeak, eta bertan jarduera batzuk egingo dituzte.

.

 Datorren asteazkenean, maiatzaren 6an, Lehen Hezkuntzako 5. eta 6. mailetako umeek ‘Euskara piztuz’ jardueretan hartuko dute parte.

.

———–

——

 Apirilaren 30an, Lehen Hezkuntzako 5. mailako umeek Bilbo-rako bisita egin dute ‘Ezagutu Bilbo’ proiektuaren barruan.

.

Irteera ume hauek euskaraz egiten ari diren proiektu baten barruan dago. Ibilbidea honako hau izan da:

♦  Metroa Deusturaino.
♦  Itsasadarreko ertzetiko ibilaldia: Carola, Euskalduna, Guggenheim, Udaletxea eta gero, Artxandarako funikularra hartu.
♦  Han zenbait jarduera egin dituzte, bazkaria, jolasak eta itzulera…

Egun bikaina eta irakasgarria, zeinetan eguraldi ona izan duten lagun.

.

—Ikusi bisitaren argazki guztiak

.
.