Larunbatean, apirilaren 13an, katekesi jaia ospatu dugu Barakaldoko Zentro-guneko parrokiek (Karmen, San Jose, San Inazio, Done Bizenti, Teresa Santua, Itxaropena) eta Salestarrok.
Paulesetako Ikastetxean 200 ume baino gehiago elkartu ginen. Aldi berean, guraso talde batek hartu zuen parte.
Hasiera batean, harreraren ondoren, elkartzeko goiburua azaldu zen: ‘Jesus gure adiskidea’ eta ipuin-dinamika batez gaia landu zen: kolorea ematen badiogu politagoa da mundua, gu geuk koloreak gara, kolore guztiak garrantzitsuak dira, Jesusek harmonia jartzen du munduan koloreekin, eta abar… Jesusen adiskideok Berarekin kolorezko mundu bat eraikitzeko konpromisoa hartzen dugu.
Gero kaperara pasa ginen eta han otoitz tarte bat izan genuen kantu-, isilune-, Jainkoren Hitzaren harrera-, kartelekin… Ordu biak laurden gutxiago inguruan Done Bizentiko Parkean bukatu genuen, guztiak kantatuz batera eta globo askatze handi batekin, gure konpromisoa gogoratuz: mundua kolorez betetzea.
Egun polita izan zen eta ondo ateratzeko guztien ahalegina eskertzen dugu.
.
[flickr]set:72157633239242736[/flickr]