Gure salestar inspektoriako webak Barakaldo Salestarretan  ospatutako  On Bosco  jaiaren ekitaldiak jasotzen ditu.

(Berria irakurtzeko, sakatu irudiaren gainean)

Ostrów Wielkopolski-ko Salestar Ahizpen ikastetxearen webean bi artikulu agertzen dira argazkiekin. Haietan On Bosco jaiaren gure ospakizuna eta beraiena azaltzen dituzte.

.

.

On Bosco festari buruzko artikuluak

(‘Chrome’ nabigatzailea erabiltzen bada, nahiko ulergarri gaztelerazko itzulpena eskaintzen du.)

Gaur egun 15.300 salesiano 132 herritan daude gazteentzako jarduera hezitzaile-pastoralak animatuz. Salesianak (Mª Laguntzailearen alabak) 13.000 dira eta 84 herritan daude.

(Handitzeko, sakatu irudiaren gainean)

Espainiako  beste  zentro  salestarrek  bezala,  guk  ere  Berrehungarren  Urteurrenari hasiera eman diogu gaur jolaslekuan. 

.

Goizeko 11etan, zirkuluerdi zabalean ikasle guztiak bilduta, Ricardo zuzendari jaunak ekitaldia azaldu du hura beste aurrekari batekin lotuz: On Bosco-ren kutxaren bisita. Zenbait neska-mutil pasa dira txandaka ‘agiria‘ euskaraz eta gazteleraz irakutzen. Hau, gure esker ona hari adieraziz On Bosco-ri igorritako gutuna da.

Une ikusgarri eta itxarondakoena ikasle guztiek zeramatzaten Berrehungarren Urteurrenaren logoaren koloreekiko globoen askatzea izan da. Barruan edo globoetara lotuta txartel batzuk zihoazen, zeintzuek ikasleek idatzitako On Bosco-rekiko esker oneko mezuak eraman zituzten.

Goiza puzgarrirekin jolaslekuan eta jolas eta dantzekin kiroldegian osatu da.

Globoak gure ametsak bezain gora hegan egitea nahi dugu; jakin baitakigu, On Boscok irakatsi zigunez, ametsak egia bilaka daitezkeela, hartan tematzen bagara.

‘Don Bosco 2015‘ blogean, zeinetan Berrehungarren Urteurrenarekiko erlazionatutako jarduerak agertzen diren, ekintza honek jasotako erantzuna ikus dezakezue.

.

—Ikusi Ospakizunaren 1. argazki albuma

.

—Ikusi Ospakizunaren 2. argazki albuma

.
.

.

On Bosco maitea: Ikastetxe salestar honetako ikasleak eta hezitzaileak gaur bildu gara zure jaiotzaren 200. urteurrenari hasiera emateko.

Zuk pertsona miletako bizitzak eta bihotzak bilakatu dituzu. Kaltetutako mutilei lagundu zenien, heziketa eman zenien etorkizun itxaropentsua izan zezaten eta, batez ere, Jaunarengana hurbildu zenituen.

Gure ikastetxean ETXE bat aurkitu dugu. Bertan inor ez da inor baino gehiago, berdin maite gaituzte gu guztiok. Eta ez hori soilik; baizik eta, zeuk nahi zenuen moduan, maitatuak sentitzen gara hemen.

Gure ikastetxea ESKOLA bat da, ere bai. Eskola honetan Matematika, Hizkuntza, Ingelesa eta beste irakasgai asko ikasten ditugu. Baina, batez ere, adiskidetasuna, eskuzabaltasuna, errespetua… Zuk nahi zenuenez: kristau onak eta herritar zintzoak izaten ikasten dugu.

Gure ikastetxea ere geure ELIZA da. Jesusen adiskide bihurtzen gara hemen. Eta lagunak bezala, harekin fidatzen gara, guretzako onena nahi baitu beti.

Eta JOLASLEKU bat dugu hemen. Hauxe da gaurko gure elkartze-lekua. Jolasleku honetan jokatu egiten dugu, une ederrak partekatzen ditugu bertan, eta bizitza osorako adiskideak egiten ditugu… Baina, hori bai, beti alai, beti irribarrez, adiskidetasuna adierazteko modurik onena baita.

Honengatik guztiagatik, bildu gara gaur, On Bosco, zuri eskertzeko. Eta, urte honen hasieran, zure jaiotzaren Berrehungarren Urteurrenaren hasieran, ez dugu Zeruko gure Ama ahaztu nahi. Zeuk irakatsi diguzu Maria Laguntzailea gurekin egon dela, badagoela eta beti egongo dela, gu Jainkoari gehiago hurbiltzeko.

Globo hauetako askatzearekin batera, mezu pertsonala bidali nahi dizugu eta mundu osorako bake, senidetasun, justizia eta itxaropen gure nahiak zuri adierazi. Zeuk irakatsi zenigun bezala, ametsak egia bilakatzeko daude eta.

Eskerrik asko, Aita eta Adiskidea. Urtebetetze zoriontsua, On Bosco.

.