Joan den ostiralean, azaroak 9, DBHko 4. maila-Dibertsifikazioko ikasleek Bilboko Alhondigan kokatutako UPV-EHU-ak urtero antolatzen duen ‘Zientziako Astea’ erakusketa bisitatu zuten.
Propagandak asko agintzen zuen: «ZIENTZIASTEA guztiontzako ekitaldi irekia da, kilikagarria, ezustekoz betea, zientziaz eta teknologiaz gozatzeko eta jakin-mina asetzekoa aukera emango diguna. Partaide bizia izango zara: zientzialarien tresnak erabili ahal izango dituzu, elementuekin saiakerak egin, eguneroko fenomenoak nola gertatzen diren ikasi, zientzialariekin hitz egin eta nahi duzun guztia galdetu. Zientzia eta teknologia liluragarriak dira. Egizu amets, utzi albo batera aurreiritziak eta murgildu zaitez abenturaz betetako mundu honetan». Ez zuen iruzurtu.
Gure ikasleak, 90 minututan zehar, stand desberdinak ibili zituzten, zeinetan esperimentu erraz eta atsegingarrien bidez, Kimika-, Fisika-, Geologia-, Topografia-, eta abarreko mundura apur bat gehiago hurbildu ziren.
Halaber, unibertsitateko ikasleek egin duten eta zeintzuekin Silverstone-ko eta Montmeló-eko nazioarteko zirkuituetan lehiatu diren bi lehiaketa-auto hurbiletik ikusi zituzten.
.
[flickr]set:72157631988559526[/flickr]