Arratoitxo pinpirinak izugarri maite ditu soineko dotoreak eta zapata berriak. Hauxe da ‘Glu Glu’–taldeak aurkezten duen haurrentzako antzezlan musikalaren gaia.
Arratoitxo pinpirinak, urrezko txanpon bat aurkitzen duenean, bere ametsa egi bihurtuko da: nahi bezain beste jantzi erosi. Baina diruak izaki maltzurrak erakarriko ditu.
Kantak, dantzak eta komedia nagusi dira ipuin klasiko honen moldaketan. Bertan Arratoitxo Pinpirinaz gain pertsonaia asko agertuko dira. Hala nola, lagun Sagu fidela, katu maltzurra, oilar eroa eta Korrok txerritxo maitagarria.
Haur Hezkuntza eta Lehen Hezkuntzako 1. mailako umeak hartaz gozatu ahal izango dira datorren asteartean, hilak 14, arratsaldeko 15:15etan.
.