——-

———

—

MARIA LAGUNTZAILEA ETA ON BOSCO – 31 . Mende berri baterantz .    Umeak era geldiezinean hazten dira. Arropa motz geratzen zaie berehala. Gazte egiten dira ia hura pentsatu gabe. Bizitza beti dabil aurrerantz. .    Duela bi mende On Bosco jaio zen eta poztasun neurrigabearekin ospatzen ari gara. Baina bizitzak jarraitzen du eta datorren urtean haren jaiotzaren hirugarren menderantz ibiliko gara. Salestar Familiak etorkizunerantz ibili behar du On Boscorekin eta denborekin, beti berriak. .    Gelditu gabeko hazkunde horretan, Maria Lagun-tzaileak Salestar Familiari laguntzen dio, ama guztiek beren seme-alabekin egiten duten bezala. Baina kasu honetan Ama, Maria Laguntzailea, ez da zahartzen, ezta Salestar Familia ere, Espiritu Santuak lagundu, bultzatu eta berritzen baitu. . LOREA: Errezatu agurmaria bat Salestar Familiaren bokazioen alde.

.

Irudi eta testuaren eskubideak: Iruñeko Salestar Liburudenda
Gaztelaniazko testuaren egilea: Bautista Araiz

(Testu hauen egilea, Bautista Araiz, gure Zentroko idazkaria da. Honako hau hasieran bere lumatik eta orain ordenagailutik irteten den 52. bilduma da; baina beti, Maria Laguntzailearenganako bere maitasun handitik irtenda. Bere etengabeko zereginarengatik esker on bezala balio dezala honek.)

——-

———

—

MARIA LAGUNTZAILEA ETA ON BOSCO – 30 . Orain eta beti .    Pasadizo adierazgarria. On Bosco, jada zaharra, Maria Laguntzailearen Alaben komunitate batera joan zen bisitan eta zera esan zien: “Maria Laguntzailea hemen dago zuekin, zuen etxean paseatzen da”. Haren idazkariak, hitz horiei indarra kenduz, eten zion: “On Boscok Maria Laguntzaileak maite zaituztela esan nahi du”. Eta On Bosco tematu zen: “Nik Ande Birjina benetan hemen dagoela baieztatu dut”. .    Jesusek zera hitzeman zigun: “Ni zuekin nago mun-duaren amaiera arteko egun guztietan”. Ama Birjinak ziurtatzen digu ere: “Ni ere zuekin nago egunero, Jesusekin elkartuta bizi naiz eta”. .    Agurmarian Ama Birjinari zera eskatzen diogu: “Erregutu gure alde orain”. Orain hori beti da: egunero, segundoero. . LOREA: Errezatu Andre Mariari: “Erregutu gure alde orain eta gure heriotzako orduan”.

——-

———

—

MARIA LAGUNTZAILEA ETA ON BOSCO – 29 . Benetako propaganda .    Gaur egun, uneoro bonbardatzen gaituzte telebistan, irratian, prentsan, publizitate-hesietan… merkataritza-propagandarekin. .    San Joan Bosco Maria Laguntzailearen aldeko publizista aparta izan zen. Ama Birjinaren beraren iradokizunagatik, munduko gunea den Maria Laguntzailea basilika eraiki zuen Turinen. Eta domina, liburuxka, Andre Birjinaren gaineko liburu milak banatu zituen. .    Salestar Familiak Maria Laguntzailearen propaganda egiten jarraitzen du. Maiatza hilabetearen irudi bilduma hau proba bat da. Gainera, egutegi, domina, posta-txartel, prozesio, eliza, irudi, liburu, aldizkari, jai miletako ehunak: dena da propaganda Andre Birjina Elizaren Ama eta kristauen Laguntzaile dela iragartzeko. . LOREA: Zure baliabideen arabera, egin ezazu Maria Laguntzaileren propaganda.

——-

———

—

MARIA LAGUNTZAILEA ETA ON BOSCO – 28 . Maria Laguntzailearen irudia .    Poliziak delitua egin duenari segitzen dio. Eta sala dezaketen probak bilatzen ditu berehala. .    Bidaian goazenean eta Maria Laguntzailea eliza edo aldare bat aurkitzen dugunean, horixe da Salestar Familia salatzen duen proba bat: ziur On Boscoren Familia handik pasatu duela edo dagoela. .    On Boscok misio historiko hau eman zion bere Salestar Familiari: Eliza unibertsalean Elizaren Ama eta kristauen Laguntzaile denarenganako debozioa hedatzea: “Heda ezazue Eukaristia- eta Maria Laguntzailearen-ganako debozioa eta ikusiko duzue zer diren mirariak”. Jesus, Maria eta Eliza dira non gure kristau-fedea finkatzen den hiru zutabeak. Honek poztasunez, konfiantzaz eta segurtasunez betetzen gaitu. . LOREA: Hedatu Maria Laguntzailearenganako debozioa, On Boscok egin zuen bezala.

——-

———

—

MARIA LAGUNTZAILEA ETA ON BOSCO – 27 . Maria Laguntzailearen irudia .    Historian, milioi milaka ama izan dira, baina bakoitzak aurpegi desberdina izan du. Garrantzitsua ez da bere gorputzaren irudia, baizik eta bere ama-funtzioa. Gainerakoa bigarren mailakoa da. .    Elizan beti jatorrizkoa bezalakoak izan behar duten Andre Birjinaren imajinak daude: Pilarekoa, Montserratekoa, Macarena. .    Hala ere, zein da Maria Laguntzailearen benetako irudia? Bat ere ez. Irudi-bilduma honek Maria Laguntzailearen irudi desberdinak eskaintzen dizkigu. Arrazoia argia da. Andre Birjinarengan ez du axola bere gorputzaren irudiak, Ama ona izateak baizik. On Boscok Andre Maria aurkeztu gintuen Elizaren Ama eta kristauen Laguntzaile. Horixe da egiazki funtsezkoa. . LOREA: Hausnartu: Zu Ama Birjinaren semea zara. Baina, zertan duzu Haren antza?

——-

———

—

MARIA LAGUNTZAILEA ETA ON BOSCO – 26 . Maria Laguntzailearen bederatziurrena .    1. Erreza itzazue bederatzi egunetan zehar hiru Gure Aita, Agurmaria eta Aintza, “Alabatua izan dadila beti Sakramentu Santua” otoizlaburrarekin; eta hiru Salbe “Maria kristauen Laguntzaile, erregutu gure alde” otoizlaburrarekin. ——Kristauak Jaunari egiten die otoiz eta hark Laguntzaile emandakoari ere. .    2. Jaso itzazue Adiskidetze eta Eukaristia (Aitortza eta Jaunartzea) Sakramentuak. ——Kristaua Sakramentuengatik Kristorekin, Andre Birjinarekin eta Elizarekin elkartuta bizi da. .    3. Gomendatzen dizuet hitzeman dezazuela zuen dohaina edo zuen lan pertsonala apostolutza-obrak sostengatzeko, ahal izanez gero salestarrenak. ——Ama Laguntzaileak kristaua animatzen du apostolua izatera eta Elizaren apostolutza obrak sostengatzera. . LOREA: Gogoratu: Otoitza, Sakramentuak, Apostolutza. Horixe da Maria Laguntzailearenganako bederatziurrena.

——-

———

—

MARIA LAGUNTZAILEA ETA ON BOSCO – 25 . Maria Laguntzailearen bedeinkazioa .    Maria Laguntzailearen bedeinkazioa, Leoi XIII.a aita santuak onartuta, On Boscoren jaraunspen ederra da. Hark osatu eta askotan erabili zuen. .    Bedeinkazio hau fede- eta konfiantzako ekitaldia da: .    – Jainko Aitarengan, Semerengan eta Espiritu San-tuarengan, Zeinengandik bedeinkapen guztia datorren eta Andre Maria “Andre guztien artean bedeinkatua” den; .    – Maria kristauen Laguntzailearengan, Jesusen eta Elizaren Amarengan. Andre Maria gure ararteko da Jainko-errukiaren aurrean; .    – Elizarengan, zeinek, apaiz baten bidez, Jainkoaren bedeinkapena eta Andre Mariaren guztien eta bakoitzaren aldeko ama-bitartekotza nabarmenki adierazten dituen. . LOREA: Gogoratu baieztapen handi hau: “Jainkoaren Ama neurea da eta bedeinkatzen nau”.

——-

———

—

MARIA LAGUNTZAILEA ETA ON BOSCO – 24 . Txinako zaindaria .    On Boscoren bizitzaren alderdi sinpatikoenen bat bere ametsak dira. Liburu lodia argitaratu da haiekin. .    Gau batean, On Boscok amestu zuen Artzain-neskatil batek, hau da, Laguntzaile Ama Birjinak, iragarri zuela bere Salesianoak Txinaraino iritsiko liratekeela. Hori 1906an burutu zen. Eta Maria Laguntzailea jada Txinako Zaindaria zela aurkitu zuten. Hark aurrea hartu zien. Handik gutxira Maria Laguntzailearen Alabak iritsi ziren. .    Benedikto XVI.a aita santuak, Maria Laguntzailea jai honetan hain zuzen, kristau txinatarren alde otoitz egitera gonbidatu gintuen, jazarpen handia jasaten ari baitira. Maria Laguntzailea animatzen eta kontsolatzen duen Ama da haientzat, eta laguntzen eta babesten dituen Laguntzailea. . LOREA: Errezatu agurmaria bat Maria Laguntzaileari Txinan jazarritako kristauen alde.

——-

———

—

MARIA LAGUNTZAILEA ETA ON BOSCO – 23 . “Dena egin du Hark” .    Olerkari askok poemak idatzi dituzte amaren gainean. Baina onena da amaren ondoan egotea eta bere maitasuna sentitzea. .    Idazle eta predikari askok Andre Maria Birjinaz hitz egiten dute. Baina onena da On Boscok egin zuena: hura sentitzea presente eta hurbil bere bizitzan. Andre Birjinaren goiargiagatik Salestar Familia sortu zuen eta Andre Mariaren goiargiagatik Turingo Maria Laguntzailea basilika handiaren eraikuntza hasi zuen. .    On Boscok berak bi proiektu horiek egiteko ez zuela baliabiderik ezta indarrik ere aitortzen zuen. Baina mirariz biak bete ziren. Hark bere pausoak gidatzen zituen Ama Birjinaren esku hurbila sentitu zuen nabarmenki. Horregatik, esker oneko eta pozgarri aitortu zuen: “Dena egin du Hark”. . LOREA: Eman eskerrak Maria Laguntzaileari, zure bizitzan hurbil daukazu eta.

——-

———

—

MARIA LAGUNTZAILEA ETA ON BOSCO – 22 . “Hauxe da nire Etxea” .    Historian zehar, ametsek misteriotsu-zerbait izan dute beti eta beren esanahia interpretatzea izan da helburu. .    Baina badira amets bereziak, zeintzuetan Jainkoak ekimena hartzen duen bere borondatea edo bere jomugak erakusteko. Jainkoak nahi izan du Ama Birjinak ere gurekiko harremanak izan ahal ditzan ametsen bidez. .    Adibide berezia On Bosco da. Gero osoki burutu zen amets batean, Andre Birjinak Turinen Maria Laguntzailea basilika eraiki ziezaiola iradoki zion. Basilika horren barnean, On Boscok idazkun hau irakurri zuen: “Hauxe da nire Etxea. Hemendik irtengo da nire Loria”. Beraz, Amak bezala bere seme-alabak hartzeko Etxe bat eraikitzea nahi izan zuen Andre Mariak. Han sentitzen da Andre Mariaren presentzia bizia. . LOREA: Egin otoitz: “Eskerrik asko, Maria Laguntzaile, zure Etxean hartzen gaituzu eta”.