Ur Partzuergoa da lehen mailako sarea kudeatzeaz arduratzen den erakundea; gutxi gorabehera, Bizkaiko milioi bat biztanleren edateko uraren horniduraz eta hondakin uren saneamenduaz arduratzen da.

Urtegietan jasotako ura herrialdeko edateko uren araztegietara eramaten da; horretarako, hoditeria sare handi bat erabiltzen da. Hodiek Bizkaiko orografia gorabeheratsua gainditu behar dute, tratamendutegietara heldu baino lehen.

Horietatik guztietatik, Betelurikoa da nagusiena. Behin ura tratatu ostean, handik ematen zaie ura Partzuergoan sartutako udalerrietako biztanle askori. Zadorrako urtegietatik Betelurira eramandako ura kalitate bikainekoa da, baina ezpurutasunak ditu. Ondorioz, ur hori kontsumorako banatu aurretik, ezpurutasunak kendu behar dira.

Beteluriko prozesu hori ehun bat pertsonak garatzen dute, automatizazio eta teleagindu prozesuen bitartez.

Planta honetara DBHko 1. mailako ikasleak joan ziren bisitan; hilaren 19an, asteartean, A taldekoak  eta 21ean, osrtegunean, B taldekoak.

 Meatzaritzaren Museoak Euskal Herriko meatzaritzaren kultura eta historia ikertzea eta hedatzea du helburu, bereziki Bizkaiko Meatzaldeari dagokionez.

Gallartako herrian kokatuta dago eta DBHko. 3. mailako ikasleak hara joan dira bisitan hilaren 13an, asteazkenean.

Meatzaritzaren Museoa Kultur Elkarteak hainbat pieza, tresna, makineria eta dokumentazio bildu ditu, garai bateko burdin-ustiapenetatik hartuta, gaur egun museoan ikus daitezkeenak. Material hauen artean, mineralaren arraiorako bagoien eta bagoneten bilduma nabarmentzen da. Eta neurri txikiagoko piezen artean, eguneroko erabilerako elementu batzuk aipatu ahal ditugu: lanparak, txokloak (oinetako tipikoak), teodolitoak, laztabinak, maskarak, etab. Pinturen bilduma  ere eskaintzen du. Artelan hauetan, artista ezagun batzuek meategiak beren ikuspegitik irudikatu dituzte.

.