.

———

—

ANDRE MARIA, FEDE URTEAN – 31 . Beti da Fede Urtea .   Egunero irteten da eguzkia eta argia eta bizitza ematen dizkigu. Horregatik, beti da Eguzki Urtea. Funtsezko gauzak ez dira inoiz pasatzen. .   Fede Urtea ospatzen ari gara, baina fedea ez da inoiz pasatzen, gure bizitzaren eguzkia bezalakoa da. Fedea Jainkoaren eskatu eta eskertu behar dugun opari bat da. Jainkoa gure Aita da. Jesusekin, Jainkoaren Semea gure Anaia eginarekin, elkartzen gaituelako elkartzen gaitu fe-deak Jainkoarekin. Fedeak Espiritu Santuaz betetzen gaitu. .   Jainkoaren hurbilago egon dena Jesusen Ama izan da. Hark Jainkotasunez lurrindu du, kolonia batek bera daukan flaskoa lurrintzen duen bezala. Fedeak Jainkoaren Fami-liakoak egiten gaitu; poztasunez, itxaropenez, sendotasunez betetzen gaitu. Eta altxor hori gure ondoan dauden guztiei ematera gonbidatzen gaitu. .    LOREA: Eska iezaiozu Espiritu Santuari fedea beti poztasunez bizitzen lagun diezazula.

——-

.

Irudi eta testuaren eskubideak: Iruñeko Salestar Liburudenda
Gaztelaniazko testuaren egilea: Bautista Araiz

.

(Testuen egilea, Bautista Araiz, gure Zentroko idazkaria da. Hauxe da lehenago bere lumatik eta orain ordenagailutik irteten den 50. bilduma. Bere etengabeko zereginarengatik esker on bezala balio dezala honek.)
.

.

———

—

ANDRE MARIA, FEDE URTEAN – 30 . Itxaropeneko eta kontsolamenduko zeinua .   Haur jolas maitagarrienetako bat ezkutaketa da. Bat ezkutatzen da, ez dagoela dirudi, baina badago. .   Kristau fedean, askoz ederrago jolasa dugu. Jesus Zerura igo zen, baina zera hitzeman zigun: «Ni zuekin nago munduaren amaierara arte». Hau da, joan egin zen, baina badago. Birjina Zerura igo zen ere, baina Jesus bezala esan diezaguke: «Ni zuekin munduaren amaierara arte «. Amaz-ko ezkutaketa. .   Kontzilioak esan zuenez, Andre Maria Zerutik, itxaropen seguru eta kontsolamenduaren ikurra, gure aurrean doa bere zeruko argiaz. Itxaropenarena, mundu honetako gure bidea luze eta zaila baita. Eta kontsolamenduarena, Ama batek bere irribarrearekin, bere ferekarekin, bere presen-tzia hutsarekin kontsolatzen baitu. .    LOREA: Eskerrak eman Andre Mariari beti gurekin, Jesusi lotuta, baitago.

——-

.

.

———

—

ANDRE MARIA, FEDE URTEAN – 29 . Garaipena eta loria .   Atsotitzak zera esaten du: “Eztietan eta ozpinetan egon behar da”. .   Maria Birjinak Jesusi lagundu zion ozpinetan, zailtasunetan, Gurutzearen ondoraino eta guzti. Horre-gatik, inork baino gehiago, eztietan, garaipenean, lorian, aintzan egotea merezi zuen Harekin. .   Horixe da Andre Mariaren Zerurako gorputz eta arimaz egindako Jasokundearen zentzua. Jesus hil, berpiztu eta Zerura igo zen. Misterio horixe Amarengan ere bete zen. Kristorekin bizi eta sufritzen duenak Berarekin ere erreinatuko du. Horregatik, Kristo Erregek bere Ama Unibertsoko Erregina eta, batez ere, Erruki biziaren Ama, gure Bizitza, Gozotasun eta Itxaropena egin du. Jesusek gu ere igoko gaitu aintzaz beterik Zerura, bere Ama bezala. .    LOREA: Zoriondu Andre Mariari Jesusek aintzaz beterik Zerura igo baitu.

——-

.

.

———

—

ANDRE MARIA, FEDE URTEAN – 28 . Jazarritakoen Laguntzailea .    «Abisatzen duena ez da traidorea», adierazten du atsotitzak. Eskertzekoa da egia iruzurrik gabe guri esatea. .   Jesusek bere Apostoluei argi eta garbi iragarri zien: «Ni jazarri banaute, zuek jazarriko zaituztete ere». Eta maitasuna, bakea, justizia predikatzeagatik esetsi zioten. Eta Elizari berdin. Baina, azkenean, garaipena iritsiko da. .   Andre Mariak Jesusi egindako jazarpena ikusi zuen eta, Ama bezala, Gurutz oinean lagundu zion. Hark, Elizaren Amak, Apostoluei eta lehen kristauei lagundu zien, hauek kristau fedea, Ebanjelioa, predikatzeagatik sufritzen hasi ziren jazarpenetan. Andre Mariak laguntzen jarraitzen die, gaur egun ere, Jesusen Ebanjelioa iragartzen jarraitzen duten apostolu guztiei. .    LOREA: Errezatu agurmaria Andre Mariari fedearen dela eta jazarrita diren kristauen alde.

——-

.

.

———

—

ANDRE MARIA, FEDE URTEAN – 27 . Ebanjelio bizia .    Jaiotzen den guztiak lilura eta samurtasuna eragiten ditu. Guztioi gustatzen zaigu haurtxo bat ikustea, hari irribarre egitea eta irribarre egitea hari eragitea. .   Jesusen Eliza Mendekosteko egunean jaio zen, Espiritu Santua Andre Maria Birjinaren eta Apostoluen gainean jaitsi zenean. Eta hasierako Eliza deitzen diogu, jatorrizko Eliza, edo Eliza umetxoa ere, ibiltzen hasten baitzen. .   Espiritu Santuak Jesusen Ama Elizaren Ama bihurtu zuen, Jesusenganako bere fedea estreinatzen zuten lehen kristauen Ama. Andre Maria, Ebanjelio bizia zen guz-tientzat, haien arteko Jesus beraren jarraipen. Hark amaren samurtasuneko, Jainkoren familiako, kutsua ematen zion kristau fedeari. Guztiek Andre Mariarengan fedearen poztasuna eta zailtasunetako Laguntza aurkitzen zituzten. .    LOREA: Egin ezazu otoiz: «Andre Maria, emaguzu zure Laguntza eta fedearen poztasuna”.

——-

.

.

———

—

ANDRE MARIA, FEDE URTEAN – 26 . Gure fedearen Laguntzailea .    Enpresa handiak ez daude pertsona bakarraren menpean; ondo koordinatutako taldea behar da. .   Jesusek, Jainkoren Semea gizon eginak, Berak bakarrik guztia egin zezakeen, baina bere Elizan giza kolaborazioa nahi izan zuen. Eta lehen kolaboratzaileak bere Ama eta bere hamabi Apostoluak izan ziren. .   Horretarako, Espiritu Santua bidali zien eta mundura bidali zituen guztiei kristau fedea, Bizitzako Ebanjelioa, eraman zezaten. Zein handia den Jainkoak maite eta bere seme-alabak egiten gaituela ziurtatzen digun fedea. Jesusek Ama Birjina oparitu digu Laguntzaile; batez ere, gure fedearen Laguntzaile, zailtasuneko edo arriskuko uneetan eskua guri emateko. “Zure altzoan, Jainkoaren Ama Santua, hartzen dugu babes. Lagun iezaguzu beti». .    LOREA: Hausnartu: Nola laguntzen duzu kristau fedea besteei eramaten?

——-

.

.

———

—

ANDRE MARIA, FEDE URTEAN – 25 . Fedearen argia eramatea .    Suak pixkanaka kontsumitzen ari dira eta itzalita diruditen unea iristen da. Baina, inor txingarren gaineko indarrez putz egiten badu, gar alaia berriro agertzen da. .   Jesusen Apostoluak juduen beldurrez Afaltegian itxita zeuden. Sutako txingarrak bezalakoak ziren. Espiritu Santua iristerakoan, su-gar itxuraz, apostolu haien gainean ezarri zen eta txingarrak sumendi bihurtu ziren. .   Apostoluekin Andre Maria zegoen, Jesusen eta Elizaren Ama. Andre Mariaren fedeak bere distira osoarekin dir-dir egin zuen eta Jesusen agintea betetzera animatu zituen Apostoluak, zuzi distiratsua izatera: «Zoazte Mundu osora, fedearen argia guztiei eramatera». .    LOREA: Eskatu Espiritu Santuari fedearen argia guztiei eramaten lagun diezagula.

——-

.

.

———

—

ANDRE MARIA, FEDE URTEAN – 23 . Fedearen erromesaldia .    Txinatar atsotitzak zera dio: «Mila kilometroko bidaia pauso batetik hasten da». Gero ibiltzen jarraitu behar da. .   Badaude kristau asko beren Lehen Jaunartzea egin zutenean, lehen pausoa eman zuten fedean, baina pauso horrek ez zuen aurrera jarraitu. Ikasketa-, lan-, teknikagatik pertsona garrantzitsuak izango dira, baina beren umetako fedean geratu dira. Ez dute garatu ezta hobetu ere. .   Andre Maria guztiontzako eredua da fedean. Vatikano II. Kontzilioak Andre Maria «fedearen erromesaldian aurrera egiten joan zela» adierazi zuen. Giza pertsona izanez, Andre Mariak beti aurrera zezakeen, fedean ere. Bere bizitza etengabeko erromesaldia izan zen fedean, Jainkoren misterioa geroz eta hobeto ulertzeko. .    LOREA: Egin aurrera egun bakoitzean Jainkoa ezagutzean, Ama Birjinak egiten zuen bezala”.

——-

.

.

———

—

ANDRE MARIA, FEDE URTEAN – 22 . Ebanjelizazioaren Izarra .    Astronomia liluragarria da. Gizakia beti kuxkuxean ibili da zerua, izar berriak bilatuz. .   Eta estalgabetu egin du ederrena eta argidunena, Ebanjelizazioaren Izarra dena, Andre Maria Birjina: eguzkiz jantzitako, ilargia duen oinpeko, hamabi izarrez koroa-tutako emakume bat. Ebanjelizatzea Ebanjelioa iragartzea da, guztiei, Jainkoren Hitza ezagutzen ez dituztenei bere-ziki. Fedearen poztasuna kutsatzea da. .   Andre Mariak, Ebanjelizazioaren Izarrak, Jesusi, Jainkoren Hitza dakarrenari, Eguzki bikaina denari, bidea ireki zion. Beraz, Ama Birjinaren debozioak beti eraman behar gaitu Jesusi, munduko Argiari, gure Salbatzailea denari. Ebanjelioa guztiei iragartzekoa baino bokazio ederragorik ez dago. .    LOREA: Egin ezazu otoiz: «Andre Maria, Ebanjelizazioaren Izarra bedeinkatu ebanjelitzaileak”.

——-

.