Donostiako Aquarium-Itsas Jauregia 1928an inauguratu zen, Gipuzkoako Ozeanografia Elkartearen ekimenez. Izatez, Espainiako estatuan natur zientzietako lehen museoa izan zen.

DBH.ko 2. mailakoak hara joango dira bisitan bihar, hilaren 21.

Donostiako arrantza-portuaren muturrean dagoen gaur egungo Aquariumaren egoitza 1925ean hasi ziren eraikitzen , hain justu Pasealeku Berria inauguratu berri zenean. Hiru urte beranduago Juan Carlos Guerra-k diseinatutako eraikin gogoangarriaren ateak ireki ziren, eta tradizionalki hiriko atrakziorik bisitatuena izan da: ireki zenetik 12 milioi pertsonek bisitatu dute.

Gipuzkoako Ozeanografia Elkartea eta orain Fundazioa beheko bost printzipio sendoetan oinarrituta hazi da azken 100 urteotan:

— Ozeanoarekiko errespetua hedatzea
— Itsas inguruneari buruzko ezagutza sustatzea
— Euskal ontzigintza eta itsas ondarea kontserbatu eta erakustea
— Hezkuntza-proiektua garatzea
— Aisialdiko turismoa sustatzea

—-		—		—
—-		—		—

  Azaroaren 29an, DBHko 3. eta 4. mailetako ikasleak Bilboko ‘Jesuitas’ antzokira joan dira ‘Sherlock Holmes’ antzezlan ikustera.

Sherlock handia eta Watson bere lagun bereizezina, haien kasurik ospetsuenen baten kontra: ‘Baskervilleko txakurra’. Denbora guztietako detektibe ospatuenaren eskutik ikuskizun honek ikasturteko ingeles klaserik onen eta atsegingarriena intrigaz, suspenseaz eta zirraraz bete du.

Sir Arthur Conan Doyle-ren lan ospetsuaren egokitzapena bidez, Baskervilleko txakurra, ikasleak bere ingeles-ezaguerak gauzatu eta, aldi berean, misterio eta intriga-literaturako klasiko batez gozatu dira.

.

Bilboko Itsasadarra Itsas Museoa Euskalduna ontziolak zeuden lekuan dago kokatuta, Bilboko itsasadarraren ezkerraldean. DBHko 1. mailako ikasleak hara joan ziren bisitan bi taldetan (A taldekoak, azaroaren 9an eta B taldekoak, 16an).

Bilboko itsasadarrak aldaketa ikusgarria izan du azken urteetan. Berriz ere protagonista bihurtu da, oraingoan atsedenerako eta aisialdirako leku bezala. Hiria eta eskualdea sustatzeko elementua izateaz gain, Museoaren helburua Bilboko itsasadarrean eta horretatik bizi izan diren gizon eta emakumeen historia, kultura eta nortasuna babestea eta hedatzea da; Bilboko itsasadarra itsasoko tradizioari estu lotuta dago.

Bilboko Itsasadarra Itsas Museoaren bilduma Bilboko itsasadarreko eta portuko itsaso-jarduerei, hala nola itsas-kulturari orokorrean erreferentzia egiten dieten elementu eta objektuetan dago oinarrituta. Arreta berezia jartzen zaie gure herriko itsasoko historiaren protagonistekin lotura estua duten piezei.

.
.
[flickr]set:72157632075434950[/flickr]