MAIATZA – 2016

Maiatza, Maria Laguntzailearen hilabetea_21

2016/05/21 by admin

————

—

ERRUKIZKO AMA
.
21 – Barkamen errukitsua
.
“Gurutz ondoan, Joan-ekin batera, maite izandako dizipuluarekin, Andre Maria Jesusen ahotik irteten diren barkamen hitzen lekukoa da” (Frantzisko aita santuaren hitzak).
.
“Bihotzaren ugaritasunaz hitz egiten du ahoak”, baieztatzen du atsotitzak: Arrisku-uneetan, batez ere, berezkoen eta egiazkoen hitzak irteten zaizkigu. Ama Birjinak behin eta berriro zera egiaztatu ahal izan zuen. Gurutzean Jesus bere Semea erailtzen ari ziren eta honen ahotik Erruki-otoitz hau irten zen: “Aita, barka iezaiezu, ez dakite eta zer ari diren”.
.
Ama Birjinak Jesusen barkamen ikasgai goren hori ikasi zuen. Honek ez du pixka bat barkatzen, baizik eta dena, infinituki, eta guztiei. Horrela, Hura eta Jesus bekatarien adiskide handiak dira.
.
LOREA: Barkatu, Jesusek zuri eta guztiei Gurutzean barkatu zien bezala

Filed Under: MAIATZA - 2016

Maiatza, Maria Laguntzailearen hilabetea_20

2016/05/20 by admin

————

—

ERRUKIZKO AMA
.
20 – Hitz profetikoak
.
“Gu ere Maria Birjinaren hitz profetikoetan presente geunden. Hau kontsolamendua eta laguntza balio izango zaigu, Errukiaren Urte Santu honetan, Ate Santua zeharkatzen dugun bitartean, Jainko Errukiaren fruituak esperimentatzeko” (Frantzisko aita santuaren hitzak).
.
Maria Birjinak Jainkoaren Errukiak belaunalditik belaunaldira dirauela baieztatu zuen, Abrahami eta behin betiko bere ondorengoei hitzeman zien bezala. Hitz profetikoak izan ziren.
.
Horregatik, aita santuak gu Ama Birjinaren hitz haietan presente geundela dio: “Belaunalditik belaunaldira”. Gu belaunaldi berria gara Errukiaren historian.
.
LOREA: Jainkoaren Errukia zure belaunaldira ere iristen da. Eman iezazkiozu eskerrak.

Filed Under: MAIATZA - 2016

Maiatza, Maria Laguntzailearen hilabetea_19

2016/05/19 by admin

————

—

ERRUKIZKO AMA
.
19 – Betiereko errukia
.
“Andre Birjinaren gorespen kantua, Isabelen etxeko atalasean, belaunalditik belaunaldira hedatzen den Errukiari egon zen eskainita” (Frantzisko aita santuaren hitzak).
.
Hurrenez hurren seme bati itxaroten zioten bi amaren arteko eszena atsegingarria izan zen: Jesus eta Joan Bataiatzailea. Andre Mariak bere burua, bere bihotza eta bere ezpainak ireki zizkion gizartearen historia osoari. Horregatik, zera baieztatu zuen: “Jainkoaren Errukia bere fededunei iristen zaie, belaunalditik belaunaldira, Abrahami eta behin betiko bere ondorengoei hitzeman zien bezala”.
.
Jainkoaren maitasun errukitsua betierekoa da, ez denborako ezta lekuko mugarik. Eskerrak eman Jaunari, bere Errukia betikoa delako.
.
LOREA: Eskerrak eman Jaunari, bere Errukia betikoa delako.

Filed Under: MAIATZA - 2016

Maiatza, Maria Laguntzailearen hilabetea_18

2016/05/18 by admin

————

—

ERRUKIZKO AMA
.
18 – Sintonia hobeezina
.
“Jainkoaren Semearen Ama izateko aukeratuta, Andre Maria Aitaren Maitasunak betiko prestatuta egon zen Jainkoaren eta gizonen arteko Aliantzaren Kutxa izateko. Jesus bere Semearekiko sintonia hobeezinez Jainkoaren Errukia zaindu zuen bere bihotzean” (Frantzisko aita santuaren hitzak).
.
Bata bestearentzako eginda diren pertsonak daudela esaten da. Jainko Aitak Andre Maria halako eran prestatu zuen, ezen beti egon zedin sintonia hobeezinean Jesusekin.
.
Ama Birjina Jesusen guztiekiko Maitasun errukitsuaren etengabeko lekukoa izan zen, bereziki bekatariekin, gaixoekin, behartsuekin. Haren bihotzean halako eran zaindu zuen Jainkoaren Erruki hori, ezen guk Errukizko Ama deitu ahal diogun.
.
LOREA: Hausnartu: Andre Mariak Jainkoaren Errukia zaindu zuen bere bihotzean.

Filed Under: MAIATZA - 2016

Maiatza, Maria Laguntzailearen hilabetea_17

2016/05/17 by admin

————

—

ERRUKIZKO AMA
.
17 – Errukiaren santutegia
.
“Jesus Gurutziltzatua eta Berpiztuaren Ama Jainkoaren Erruki santutegian sartu zen, haren maitasunaren misterioan intimoki parte hartu zuelako” (Frantzisko aita santuaren hitzak).
.
Santua, Santua, Santua da Jauna! Guretzat santutegia Jainkoaren santuena eta barrukoena da. Frantzisko aita santuak esan digu Jesusen Ama santutegi horretan sartu zela, Jainkoaren Erruki sakonenean.
.
Eta zergatik sartu ahal izan zen Andre Maria? Hark, Ama bezala, Jainkoaren Maitasunetik eriotako Erruki horretan parte hartu zuelako. Andre Mariak Jainkoa Maitasuna delako errukitsua dela ulertu zuen. Jainkoaren Hitzak zera ziurtatzen digu: “Jainkoa Maitasuna da”. Andre Mariak Maitasun errukitsu hori bizi izan zuen.
.
LOREA: Hausnartu: Jainkoa Maitasuna da. Ama Birjinak Maitasun horretan parte izan zuen intimoki.

Filed Under: MAIATZA - 2016

Maiatza, Maria Laguntzailearen hilabetea_16

2016/05/16 by admin

————

—

ERRUKIZKO AMA
.
16 – Errukiaren presentzia
.
“Andre Mariak bezala inork ez du Jainko gizon eginaren misterioaren sakontasuna ezagutu. Dena bere bizitzan Errukiaren presentzia haragi eginak izan zen moldatua” (Frantzisko aita santuaren hitzak).
.
Bizitzan, badaude hain esperientzia sendoak ezen bizi ez badira, nekez ulertzen diren. Aita Jainkoak, bere Semeak gure Anaia egin zezan, Ama bat prestatu zion. Horrela Andre Maria gurekiko Jainkoaren elkargunea izan zen. Bere baitan gure giza natura hartu zuen.
.
Andre Mariak hura zena eta egiten zuen guztia Jainkoaren betiko Errukiaren, Jainkoaren Erruki amaigabearen opari merezigabea zela sentitu zuen. Jesus Jainkoaren Errukia zen, haragi, ikusgai, ukigai eginda, hark maite izanak senti gintezen.
.
LOREA: Hausnartu: Jesusen Ama Jainkoaren eta gure arteko elkargunea da.

Filed Under: MAIATZA - 2016

Maiatza, Maria Laguntzailearen hilabetea_15

2016/05/15 by admin

————

—

ERRUKIZKO AMA
.
15 – Jainkoaren samurtasuna
.
Errukiaren Urte Santu hau ospatzen ari gara. Maria Laguntzailea-ren bederatziurrenaren zehar, Frantzisko aita santuak Errukiko Amaren gainean hain zuzen idatzi dituen hitzak iruzkintzen joango gara. Horrela esaten digu:
.
“Pentsamendua Errukizko Amari joaten zaigu. Bere begiradaren gozotasunak Urte Santu honetan lagun diezagun, guztiok Jainkoaren samurtasunaren poztasuna berraurkitu ahal dezagun”.
.
Ama Birjinak beti eramaten gaitu Jesusi. Hau Jainkoaren Erruki amaigabea da. Andre Maria bere Ama eta, beraz, Errukizko Ama. Andre Mariaren ama-begiradaren gozotasunean, Jainkoaren samurtasunaren poztasuna berraurkitzen dugu. Hura guri hurbiltzen zaigu Ama baten bidez.
.
LOREA: Berraurkitu zurekin eta guztiekiko Jainkoaren samurtasunaren poztasuna.

Filed Under: MAIATZA - 2016

Maiatza, Maria Laguntzailearen hilabetea_14

2016/05/14 by admin

————

—

ERRUKIZKO AMA
.
14 – Altuenetik baxuenera
.
Aitortzea merezi duen kontraste berezia da. Lehen zatia aintzatsua da, bikaina. Bigarrenak lurreratzen da. Agurmaria ezaguna da.
.
Lehen zatia: “Agur Maria, graziaz betea, Jauna da zurekin, bedeinkatua zara zu andre guztien artean eta bedeinkatua da zure sabeleko fruitua, Jesus.” Ezinezkoa da gauza handiagorik esatea. Altuerara igotzen den hegazkina bezalakoa da.
.
Bigarren zatia: “Santa Maria, Jaungoikoaren Ama, erregutu ezazu gu bekatarion alde, orain eta gure heriotzako orduan”. Hegazkina lurzoruan heltzen da, non bekatari apal batzuek Jainkoaren Errukia eskatzen duten, Jesusen Ama, bekatarien Aterpea, Errukizko Ama den bitartekotzaz.
.
LOREA: Errezatu agurmaria, esaten dituzun hitzei buruz fedez hausnartuz.

Filed Under: MAIATZA - 2016

Maiatza, Maria Laguntzailearen hilabetea_13

2016/05/13 by admin

————

—

ERRUKIZKO AMA
.
13 – Jainkoa ama guztiak baino hobea da
.
Badago Salesko San Frantziskoren esaldi bat zeinek, beharbada, norbaiti atentzioa eman diezaiokeen: “Nire heriotzaren unean, Jainkoak epaitua izan nahiago dut, nire amak baino”.
.
Ozeano guztietan ur gehiago sartzen da, basotxo batean baino. Jesusen Bihotzean erruki gehiago sartzen da, ama batenean baino. Jesusen Bihotzaren errukia amaigabea da, betikoa; ama baten errukia, txikia eta mugatua. Jesusen Guztiak salbatzeko bizitza eman duen Maitasun errukitsu horrek epai dezagula nahiago dugu.
.
Jesusen Bihotz Sakratuak gure ondoan jarri du Andre Mariaren Bihotz Orbangabea, bekaturik garbia eta bekatarien Ama-aterpea.
.
LOREA: Eskerrak eman Jainkoari, ama guztiak baino hobea baita.

Filed Under: MAIATZA - 2016

Maiatza, Maria Laguntzailearen hilabetea_12

2016/05/12 by admin

————

—

ERRUKIZKO AMA
.
12 – Errukiaren Sakramentua
.
Ez da ezinezko gauzarik egin behar edo bide luzea ibili Jainkoaren barkamena aurkitzeko. Barkamenaren, Errukiaren Sakramentura, Aitortzara hurbiltzea nahikoa da.
.
Errukiaren Jainkoak barkatuz pozten da, gehiago behar dutenei, batez ere. Hura ez zen osasuntsuak sendatzera etorri, gaixoak baizik. Eskatzen digun bakarra gure bekatuak aitor ditzagula da, bihotzez damu gaitezela, berriro ere bekatu ez egiteko asmoa egin dezagula, Jainkoa eta bere Eliza ordezkatzen dituen apaizaren aurrean konfesa gaitezela eta penitentzia bete dezagula.
.
Errukizko Amak barkatu eta Bizitza berria ematen digun Sakramentu errukitsura hurbiltzera animatzen gaitu.
.
LOREA: Hurbil zaitez fedez Adiskidetzearen sakramentura, Aitortzara. Edo eskatu barkamena.

Filed Under: MAIATZA - 2016