MAIATZA – 2016

Maiatza, Maria Laguntzailearen hilabetea_11

2016/05/11 by admin

————

—

ERRUKIZKO AMA
.
11 – “Zauritu nauen anaiari barkatzen diot”
.
San Pedro plazan, tiro batzuk entzun ziren. San Joan Paulo II.a larriki zaurituta erori zen. Kriminalari egindako bere barkamena berezia izan zen: “Zauritu nauen anaiari barkatzen diot”. Bai, anaiari.
.
Gure Aitan, Jesusek zera esatea agindu digu: “Barkatu gure zorrak, geuk ere gure zordunei barkatzen diegunez gero”. San Joan Paulo II.ak eredu bikaina eman zigun.
.
Birjina Orbangabeak ez zuen barkamena eskatu behar, baina bai barkatu zien Jesus esetsi zutenei, Herodes-engandik gurutziltzatu zutenenganaino. Jesusen Ama izateagatik, ezpata batek zeharkatu zion arima. Hark bere Semea hil zuten seme-alaba bekatariei barkatu zien. Are gehiago, Ama errukitsua egin zitzaien.
.
LOREA: Barkatu bihotz-bihotzez mindu edo eragotzi ahal izan dezazunari.

Filed Under: MAIATZA - 2016

Maiatza, Maria Laguntzailearen hilabetea_10

2016/05/10 by admin

————

—

ERRUKIZKO AMA
.
10 – Semea, ardia eta txanpona
.
Fariseuek Jesus ona zelako, bekatariak hartzen zituelako eta haiekin jaten zuelako ari ziren marmarka.
.
Haiei kontatu zizkien Jesusek Errukiaren hiru parabolak: seme hondatzailea, ardi desbideratua, txanpon galdua. Jainkoaren Errukia mugagabea dela frogatzeko hiru konparazio miragarri. Fariseuek hartu omen zituzten zaplazteko bat bezala.
.
Jainkoa etxetik joandako semeari itxaroten dion aita bezalakoa da; sorbaldaren gainean galdutako ardia jartzen duen artzaina; lurzorura eroritako txanpona bilatzen duen emakumea. Ama Birjinari bihotza zabaldu zitzaion Jesus nola aritzen zen bekatariekin ikusterakoan. Horregatik, bekatarien Aterpea deitzen diogu.
.
LOREA: Zabal ezazu zure bihotza guztiak errukiz hartzeko.

Filed Under: MAIATZA - 2016

Maiatza, Maria Laguntzailearen hilabetea_9

2016/05/09 by admin

————

—

ERRUKIZKO AMA
.
9 – Gaixo eta bekatarientzako Ama
.
Zenbait seme-alaba dituen ama, gaixo dauden edo okerrago portatzen direnen arduratzen da, modu bereziaz. Ama baten bihotza Jainkoaren Bihotzaren adierazgarria da guretzat.
.
Ebanjelioak frogatzen digu. Jesusek, bekatarientzako arreta berezia zuenak, kritikatzen zuten fariseuen aurrean zera baieztatu zuen: “Ondo daudenek ez, baino gaixo daudenek behar dute sendagile. Ez naiz zintzoei dei egitera etorri, bekatariei baizik”.
.
Jesusen Bihotza Ama baten bezalakoa zen, ama guztiena baino hobea. Jesusengan ikasi zuen Ama Birjinak Bihotz errukitsu izatera; hau dela eta, hark Andre Maria eman digu Errukizko Ama, Bekatarien Ama-aterpe.
.
LOREA: Egin otoitz: Bekatarien Ama-aterpe, erregutu gure alde.

Filed Under: MAIATZA - 2016

Maiatza, Maria Laguntzailearen hilabetea_8

2016/05/08 by admin

————

—

ERRUKIZKO AMA
.
8 – Errukia, zorion-iturria
.
Adituek errezeta asko asmatu dituzte zoriontsuak izateko. Eskertzen diogu. Baina, sortu gaituelako hobeto ezagutzen gaituena Jainkoa bera da. Jesusen bidez errezetarik onenak eskaini zizkigun: Zoriontasunak.
.
Haien batek ziurtatzen digu: “Zorionekoak, zoriontsuak errukitsuak, hauek errukia iritsiko dute eta”. Jainkoak Errukia izan du gurekin eta, horregatik, errukitsuak gara.
.
Andre Birjinak Jainkoaren Errukirik handiena jaso du, Sortzez Garbia, Graziaz Betea , egin zuen eta. Horregatik, hura errukitsuena da. Are gehiago, Errukizko Ama da. Gainera, hark Bihotz errukitsua beti, guztiekin, izaten ikasi zuen Jesusengandik.
.
LOREA: Ikasi Jesusengandik eta Andre Mariagandik bihotz errukitsua guztiekin izaten.

Filed Under: MAIATZA - 2016

Maiatza, Maria Laguntzailearen hilabetea_7

2016/05/07 by admin

————

—

ERRUKIZKO AMA
.
7 – Poztasun handia Zeruan
.
Andre Birjinari botatzen dizkiogun laudorio miragarrienetako bat hauxe da: “Zeruko Atea”. Eta, oraindik gehiago: “Zeruko Erregina”. Beraz, han pasatzen duena hark ondo ezagutzen duela suposatzen da.
.
Eta han gertatzen diren gauzetako bat Jesusek ziurtatu ziguna da: “Poz handiagoa izango da Zeruan bihotz-berritzen den bekatari bakar batengatik, bihotz-berritu beharrik ez duten laurogeita hemeretzi zintzorengatik baino”.
.
Ama batek lau seme-alaba baditu eta batek bide txarrari jarraitzen badio, zer poztasunik izango duen hark bide okerretik joandako seme-alaba bihotz-berritu eta bizitzaz aldatzen bada. Jainkoak Errukizko Ama eman digu Andre Birjina, gu are gehiago erakartzeko konbertsiora, bekatuaren kontra borroka egitera, Jainkoaren Familia alaiki sentitzeko.
.
LOREA: Errezatu agurmaria bat gehiago behar duten bekatarien alde.

Filed Under: MAIATZA - 2016

Maiatza, Maria Laguntzailearen hilabetea_6

2016/05/06 by admin

————

—

ERRUKIZKO AMA
.
6 – Gora ezkonberriak!
.
Ebanjelioaren pasadizo ezagunetako bat Kana-ko ezkonberriena da. Ezteiek lilura berezia dute. Baina hemen arreta ez dugu ezkonberriengan jartzen, baizik eta ezkontzara gonbidatu batengan.
.
Andre Maria Birjina, denari adi, ardoa falta zela konturatu zen. Eta Jesusi esan zion: “Ez dute ardorik”.
.
Esan ohi den bezala, hark erbia harrotu zuen, baina ezin zuen ezer gehiagorik egin. Jesusek, Jainkoaren Semea gizon eginak, senar-emazte haiei laguntzeko ura ardo bihurtzeko miraria egin zuen. Jesusek ezkonberrien Errukia izan zuen. Baina Ama Birjina, Errukizko Ama, haien alde ama bezala mintzatu zen. Ama Birjina ezteitara eta bizitza guztira gonbidatzea merezi du. Bere presentzia errukitsua da.
.
LOREA: Errezatu agurmaria bat Ezkontzara prestatzen diren ezkongai guztien alde.

Filed Under: MAIATZA - 2016

Maiatza, Maria Laguntzailearen hilabetea_5

2016/05/05 by admin

————

—

ERRUKIZKO AMA
.
5 – Amen: fede ekitaldia da
.
Badago hainbat esanahi dituzten hitzik. Haietako bat Amen hitza da. Otoitz baten amaieran zera esan nahi du: “Hala bedi eskatu duguna”. Jaunartzean apaizak “Kristoren Gorputza” esaten digunean, gure Amenak zera ziurtatzen du: “Horrela da, horrela sinesten dut”. Fede-ekitaldia da.
.
San Paulok dio Jainkoak hitzeman digun guztiak bat “Baietz” bat jaso duela Jesusengan. Eta harengatik “Amen” erantzun ahal diogu Jainkoari.
.
Jesusengan Jainkoak bere Maitasuna eta bere Errukia ezagutarazi dizkigu. Guk “Amen” erantzuten dugu, hau da, horrela sinesten dugu. Ama Birjina Jainkoaren Erruki hori esperimentatu duen lehena da eta hark, Errukizko Ama denak, Jainkoaren Maitasun errukitsuan sinesten laguntzen digu.
.
LOREA: Sinetsi Jainkoaren zurekiko eta guztiekiko Maitasun errukitsuan.

Filed Under: MAIATZA - 2016

Maiatza, Maria Laguntzailearen hilabetea_4

2016/05/04 by admin

————

—

ERRUKIZKO AMA
.
4 – Maitasunarekiko fideltasuna
.
Duela urte, tratua ixteko, bosteko bat nahikoa zen, ez sinaduren ezta paperen beharrik gabe.
.
Gaur fideltasuna bezain oinarrizko zerbait falta da. Horixe gertatzen da tristeki apurtzen diren ezkontzetan, sentimendu huts eta igarokorretan oinarritzen baitira.
.
Bere Maitasuneko zeinua izateaz gain, Jainkoaren Errukiak fideltasunaren ezaugarria du. Jainkoa bere Maitasun errukitsuarekiko fidela da. Jainkoa Maitasuna da eta bere Errukia amaigabea da, betikoa. Bere Aita-besoetan etzan gaitezke, bere Bihotzaren beroa beti sentituko baitugu. Jesusek bere Ama eman gaitu gure Ama, guztioi Errukizko Ama bezala beti lagun diezagun fidelki.
.
LOREA: Eskerrak eman Jainkoari, guztiokin bere Maitasun errukitsuarekiko fidela delako.

Filed Under: MAIATZA - 2016

Maiatza, Maria Laguntzailearen hilabetea_3

2016/05/03 by admin

————

—

ERRUKIZKO AMA
.
3 – Errukia agertu da
.
“Jaungoikoaren Bihotz Ona agertu da eta gizonenganako Onginahia. Ez guk egindako zuzenbidezko egintzengatik, baizik eta bere errukiagatik salbatu egin gaitu” (San Paulok Titori zuzendutako gutuna 3,4).
.
Belengo Haur harengan, Jesusengan, Jainkoaren eta Andre Mariaren Semearengan, Jainkoaren Ontasuna agertu zen, gizakiarenganako bere Maitasuna eta bere Errukia. Jesus Jainkoaren Errukiaren Adierazpena da guretzat.
.
Ama Birjinak Jainkoaren Errukia dena izan zuen bere baitan eta bere besoetan. Horrela Jainkoak Abrahami eta bere ondoreari belaunalditik belaunaldira hitzeman ziena bete zuen. “Eskerrak eman Jainkoari, ona delako, bere Errukia betikoa delako”. Bere Maitasuna errukitsua da eta betikoa.
.
LOREA: Eskerrak eman Jaunari, ona delako, bere Errukia betikoa delako.

Filed Under: MAIATZA - 2016

Maiatza, Maria Laguntzailearen hilabetea_2

2016/05/02 by admin

————

—

ERRUKIZKO AMA
.
2 – Andre Mariak Jainkoaren Errukia jaso zuen
.
Maria Ama Birjinari maitagarriago egiten dion gauzetako bat bere xumetasun apala da. Magnificat bere kantikan, zera baieztatzen du: “Handiesten du nire arimak Jauna, ikusi baitu mirabe honen ezereztasuna”.
.
Hau da: “Jainkoa handia da eta hain txikia, hain ezereza, ni naizen bezalako zerbaiti begiratu dio”. Andre Maria gure ahizpa-arreba da gizatasunean, baina Jainkoak Jesusen Ama izatea bezalako hain handi zerbaitetarako aukeratu zuen.
.
Horregatik, Erruki bereziko begiekin begiratu zion eta Sortzez Garbia, Graziaz Betea, egin zuen. Hark ez du inor baino gehiago sentitzen, baizik eta duen guztia Jainkoarengandik datorrela aitortzen du. Hark Jainkoaren salbuespenezko Errukia jaso bazuen, Errukizko Ama izateko izan zen.
.
LOREA: Andre Maria bezala, aitortu esker onez duzun guztia Jainkoarengandik datorrela.

Filed Under: MAIATZA - 2016